تصريحات السيسى اليوم حول مخالفات البناء والجراجات.. افتتح اليوم الرئيس عبد الفتاح السيسي، مشروع الأسمرات 3، وعدد من المشروعات القومية، وأرسل السيسي العديد من الرسائل للمواطنين حول جهود الدولة في مواجهة المناطق غير الآمنة، والبناء المخالف، وطالب بالتوسع في إنشاء الجراجات، وقرر عدم ترخيص السيارات الجديدة إلا بعد تحويلها للعمل بالغاز الطبيعي بدلًا من البنزين.
تصريحات السيسى اليوم حول مخالفات البناء والجراجات
وشدد الرئيس السيسي أن مخالفات البناء لا يمكن القبول بها، ولا يمكن القبول بالنمو العشوائى، أوالتجاوز أ السيطرة على أراضى الدولة، وأن الدولة لن تتوقف عن مواجهة هذه المخالفات، وأن اشتراطات البناء ستكون في منتهى الحزم والقسوة، وطالب الرئيس المصريين بألا ينسوا صور العشوائيات وألا يسمحوا بتكرارها مرة أخرى.
وضرب الرئيس مثلًا بالإسكندرية حيث قال: أن هناك شخص في الإسكندرية ارتكب 88 مخالفة.. وآخر 60 مخالفة.. فيما رصدت الدولة أن أحدهم أقام 23 عمارة بارتفاع 20 دور على أرض لا تخصه، مؤكدًا أن هناك من يحصل على رخصة بجراج وبعد ذلك لا يتم استخدامه كجراج، وأن هذا الأمر لن يستمر قائلا: 'الجراح اللى مش هيشتغل هناخده.. وهيتم نزع ملكية على الأقل فى الوضع اللى احنا فيه'.
وأضاف السيسي، في تعقيب له على حديث لوزير الإسكان خلال افتتاح بعض المشروعات: 'احنا نتيجة البناء غير المخطط كانت الناس بتبني تحت خطوط الضغط العالي، وده كان بيأثر جدَّا على الصحة العامة، فقولنا إن البرنامج من ضمن أهدافه إزالة كل المخاطر؛ بما فيها الخطر ده، بغض النظر عن كفاءة المساكن الموجودة هنا، فقُلنا إحنا حنشيل الكابلات دي من فوق مباني الناس وننزلها تحت، وعلشان نعمل كده التكلفة كانت تقريبًا مليار إلا ربع'.
وأضاف رئيس الجمهورية: 'أنا لما قُلت مش حنسمح بالمخالفة تاني لأنه ثبت بالتجربة لما نعمل أماكن مخططة صح وفيها كل الاشتراطات بتبقى أقل تكلفة بكتير من مواجهة أي آثار ضارة ناتجة عن البناء غير المخطط اللي أحيانًا لا نستطيع مواجهتها في الأساس'.
وتابع السيسي: 'لو شفتوا أي مباني محيطة بالمباني اللي الدولة بتعملها مش هتلاقوا حد بيعمل مشروع بالشكل ده'.
البناء المخطط
واستطرد الرئيس: 'دعونا نتوقف عن موضوع البناء غير المخطط ونبتدي ننظم بلدنا، والناس اللي عايزة شقق حتاخد شقق، والناس اللي عايزة تعمل مشاريع وتبيع للناس حنخليها تعمل كده بس بصراحة إحنا حنكون حازمين واشتراطات البناء حتكون في منتهى الحزم والقوة لغاية ما نتغلب على اللي احنا موجودين فيه ده'.
وأوضح السيسي: 'اللي إحنا فيه ده مش موجود غير في بلدنا، إحنا استحملنا الفترة اللي فاتت، وده حجم التمدد اللي كان زيادة عن اللزوم'. وتابع الرئيس: 'إحنا بنقول كده علشان لما يبقى في صلابة في الموقف وشدة من الأجهزة؛ سواء من التنمية المحلية أو الداخلية، فالهدف منها حماية الوطن من إننا نعيش كده'.
توفير الشقق للمواطنين
وأكد الرئيس عبد الفتاح السيسي، أن أي مواطن سيطلب من الدولة شقة سيتم توفيرها له، مؤكدًا أن تكلفة الشقة التي تمنحها الدولة للمواطن تصل إلى 600 ألف جنيه.
تحويل السيارات إلى غاز
وأكد الرئيس السيسي أن من حقوق الدولة إلزام السيارات الجديدة بالترخيص باستخدام الغاز الطبيعي، متابعا: 'عربيات البنزين الجديدة لن ترخص إلا بالغاز'، وطلب الرئيس من وزير المالية الدكتور محمد معيط بتسهيل الإجراءات الخاصة بتحويل السيارات القديمة للعمل بالغاز الطبيعى.
تابعوا آخر أهل مصر على Google News
