شن خالد قمر لاعب الفريق الأول لكرة القدم بنادي طلائع الجيش، هجوما حادا على حسام حسن المدير الفني لنادي الاتحاد السكندري.
ويرى خالد قمر أن حسام حسن تسبب في رحيله عن الاتحاد السكندري، بالرغم من أنه كان يسعى لنهاية مسيرته مع زعيم الثغر.
وقال خالد قمر في تصريحات تليفزيونية: "الناس كلها كانوا عارفين السبب اللي أنا مشيت بسببه من الاتحاد، وكنت حابب أنهي مسيرتي في الاتحاد، لكن مع حسام حسن قعدت 4 شهور في البيت".
أضاف: "جهاز حسام حسن بعت على جروب النادي إن في 5 أسماء وأنا من ضمنهم إني برا حساباتهم، وكلمت أستاذ محمد مصيلحي قولتله أنا حاسس إن هيبقى في مشاكل لو كملت، وأنا مش بتاع مشاكل".
وواصل: "حسام حسن عنده رؤية فنية بالنسبة لي وأحترم ده، حتى لما كنت في الزمالك ميدو جابني وفي الآخر حسام حسن معتمدش عليا خاصة في ماتش السوبر ضد الأهلي، والكابتن حسام حسن جه عليا في الزمالك".
وختم حديثه قائلا: "أفضل فترة لي من وجهة نظري كانت في الاتحاد السكندري وأنا من الهدافين التاريخيين برصيد 27 هدفا"
تابعوا آخر أهل مصر على Google News
