كشف مجدي عبد الغني نجم الأهلي ومنتخب مصر السابق الرئيس الأفضل في تاريخ النادي الأهلي.
قال عبد الغني في تصريحاته عبر برنامج الريمونتادا على قناة المحور: 'كوبر مدرب عالمي.. ولكن بالأرقام روي فيتوريا أفضل'.
أضاف: 'فايلر أفضل من بيتسو موسيماني وصالح سليم كان كاريزما لكن مكانش أفضل حاجة.. اللي أفاد النادي إفادة كبيرة جدا كابتن حسن حمدي، طارق سليم أفضل مدير كرة في تاريخ النادي الأهلي.'
وأشار:'جمال عبد الحميد مش عارف هويته لحد دلوقتي ساعات يظهر وساعات يختفي ومش عارف هو عايز ايه من الكورة؟'.
حسن حمديوأضاف:'اللي بيحصل في الكورة في مصر مش بيحصل في أي حتة في العالم سواء تأجيلات او لاعب خد انذار محدش بيوقفه'.
وأكمل: 'الحمد لله ان كأس العالم اللي جاي ٩ فرق ونص لولا كدة مكناش هنشم كأس العالم'.
وعن ركلة الجزاء في كأس العالم 90:'ناس في الوطن العربي بيكلموني عن ركلة الجزاء، وناس متولدوش بيكلموني عليها من حقي أسوق لنفسي وفان بروكلن راجل اعمال مبيظهرش في حتة عشان كدة مظهرش في الاعلان معايا'.
وحول حديث حسام حسن السابق بأنه كان من المفترض أن يسدد ركلة جزاء مصر في شباك هولندا بكأس العالم 90:'حسام وإبراهيم حسن خيالهم واسع والجوهري كان حاططني أول واحد في تسديد ركلات الجزاء لو ضيعتها كنت هبقي متعلق في ميدان التحرير لحد دلوقتي'.
تابعوا آخر أهل مصر على Google News
