الفنان أحمد عبد العزيز عن بيع عفش منزله: "مش حقيقي وربنا مبيسبش حد من غير عشا"

نفى الفنان أحمد عبد العزيز شائعة 'بيعه عفش منزله' التي تم تداولها على السوشيال ميديا ومواقع التواصل الاجتماعي قائلاً: 'الكلام ده طبعا مش حقيقي، ربنا مبيسبش حد من غير عشا، وأحيانا بقبل أحسن الأدوار الوحشة المعروضة عليّا، حتى لو مش مبسوط أوي وبعمله من ورا ضهري، لكن بعمل كده مضطرا'.

وأضاف 'عبد العزيز'خلال لقائه مع برنامج 'تحت الشمس' المذاع على قناة الشمس: 'الفن الرديء والفن الجيد يتساويان في الربح، ولهذا الفن الرديء أكثر ربحاً لأنه أسهل وأقل تكلفة، الفن الرديء بيتسلق، وإحنا عايزين نرجع لورا عشان نتقدم، لازم نشوف إحنا كنا فين ونستمد من الماضي ما يساعدنا على التقدم للأمام'، لافتًا 'علينا أن نستلهم من أعمال توفيق الحكيم ونجيب محفوظ وطه حسين وعباس العقاد، ونستلهم من موسيقى عبد الوهاب والقصبجي ومحمد فوزي، ونعيد أعمال السينما المصرية في نسخ جديدة.. القديم كان فيه قيمة'.