تلقي الداعية الإسلامي الشيخ محمد أبو بكر، اتصالًا هاتفيًا من سيدة تدعى 'منى'، تقول فيه: 'أنا آنسة، وغير متزوجة وبقالي حوالي 6 سنين بحس إن في حد بيعاشرني وأنا نايمة، ورحت لاكثر من شيخ كانوا بياخدوا مني فلوس وبيطلبوا مني حاجات اعملها لكن مكنتش بتجيب معايا نتيجة وبقالي فترة مكنش في حاجة لكن رجع تانية'.
ووجه الشيخ 'أبو بكر'، سؤالًا للمتصلة، خلال تقديمه برنامج 'إني قريب'، المذاع عبر فضائية 'النهار'، قائلًا: 'هل كنتي بتصلي يا منى أم لا؟'، فأجابته: 'بصلي الحمد لله حتى الفجر حاضر'.
وقدم لها مقدم البرنامج علاج لحالتها قائلًا: 'في هذه الحالة يجب المحافظة على قراءة الفاتحة 111 مرة، وآية الكرسي 111 مرة، على كوب من الماء، ثم شربها لمدة 7 أيام، ربنا هيزيل عنك هذا الأمر ولا تروحي لشيخ أو دجال أو مشعوذ'.
وأكد أبو بكر على ضرورة التمسك بالقرآن الكريم، وعدم الاقتراب من الدجالين والمشعوذين، موضحًا أن هذا الطريق أوله سراب وآخره خراب، ولن تجني من ورائه سوى التعب والهم والحزن.
وأكمل: 'الجن مش فاضيلنا يا جماعة، الله يرحم سيدنا الشيخ الدكتور عبد البديع أبو هاشم، لما كان بيدرسلنا في التفسير وإحنا طلبة، كان بيقولنا يا ولاد عمري ما سافرت بلد أجنبية ولقيت واحدة حلوة كده جاية تقولي يا مولانا الجن جه جنبي ولا الجن عملي، هو الجن تخصص مصريات بس؟!.. واخد توكيل مصري بس؟!.. غاوي نكد يعني؟!'.
و أكد الداعية الإسلامي، أن كل هذه الأفعال هي من فعل الشيطان، موضحا: هتقولي طيب ما أنا بصلي وبصوم وبعبد ربنا، الشيطان هيجيلي منين؟، هقولك الشيطان مش هيروح للي في الخمارة ولا اللي في بيت مشبوه ولا العريان، لأنه ضامنهم، الشيطان ميروحش غير للمؤمن علشان يضله'.
تابعوا آخر أهل مصر على Google News
