رد المطرب والفنان تامر حسني، على ما قاله الفنان أحمد آدم في أحد البرامج التلفزيونية على قناة الحياة، بتخصيص فقرة للحديث عن الترند وإثارة الجدل من أجل الشهرة.
ونشر تامر حسني، مقطع الفيديو الذي تحدث فيه أحمد آدم، عبر حسابه الشخصي على موقع 'إنستجرام'، معقبًا: 'أستاذ أحمد آدم فعلاً بيدي درس حقيقي بيشرح فيه سمات العصر الحالي.. اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم لمجرد ان الناس تعرفهم او تتكلم عليهم و لو ليوم واحد'.
وأضاف: 'نسيوا أنه لا يصح الا الصحيح عشان ده عدل ربنا وأي افاقين مع الوقت هتلاقيهم بيختفوا والمحترم الحقيقي هو اللي بيستمر.. أصل لما نهتم ونرد على كل كداب أمال اللي بيحبونا نعمل معاهم ايه!'.
وأكمل:' تابعوا قلوب الناس والمواقع اللي هتاخد كلام الأستاذ أحمد السلبي وينشروه وعلموا عليهم عشان تعرفوا حقيقتهم.. والحقيقه أن فعلاً الكلام السلبي هو اللي انتشر'.
وتابع: 'شكراً أستاذ أحمد آدم لكلامك واشادتك الحقيقية في حقي هي شهادة عظيمة من فنان محترم و كبير بـ فنه وأخلاقه'.
أحمد آدم يسخر من تامر حسني
تداول رواد مواقع التواصل الاجتماعي مقطع فيديو من حلقة برنامج 'آدم شو' الذي يقدمه الفنان أحمد آدم على قناة الحياة، ويظهر فيه منتقدًا وساخرًا من الفنان تامر حسني.
وقال أحمد آدم: 'تامر حسني مش كفاية عليك كدا بقا ولا إيه.. طلع لنا شعر صدره وقعد يسبّل للبنات.. تامر بيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشة جدًا'.
وأكمل: 'تامر هو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا'.
تابعوا آخر أهل مصر على Google News
