مي سليم تكشف تفاصيل خلافها مع طليقها الأول: عملتله محضر عدم تعرض

تحدثت الفنانة مي سليم عن تفاصيل المشاكل التي حدثت بينها وبين طليقها الأول، وذلك خلال حوارها اليوم ببرنامج "العرافة" مع الإعلامية "بسمة وهبة".

وخلال الحلقة قالت: "أنا لفترة معينة كان فيه مشاكل كبيرة كنت متولية بنتي، والمشاكل اتحلت وكل حاجة رجعت كوبسة، كان فيه فترة فيه بينا مشاكل ودلوقتي على وفاق بس مش ممكن نرجع لبعض، احنا دلوقتي أصدقاء مش أخوات".

وتابعت: "مفيش واحدة بتاخد خطوة الخلع اللي ما كان فاض بيها، مرضيش يطلقني، وكان بيحبني، وعايز يرضيني وكانت الظروف أقوى من الحب دا يكمل".

واستكملت: "حصلت غيرة في فترة وكان عايز يرجع، وعملتله محضر عدم تعرض، فضلنا في مشاكل طويلة قعدت سنين، ووقتها كان السلام أننا نبعد عن بعض، ومكانش فيه لغة حوار بيني وبينه".

وأضافت: "أنا مش شخصية مستفزة ومش بحب المشاكل، وممكن الهدوء دا هو اللي كان منرفزه، وهو دلوقتي أتغير خالص وعقل، ومش متجوز، وأتمنى يقابل بنت الناس اللي تريحه، وممكن أجيبله عروسة".