حسن شاكوش: نزلت أكل حواوشي تالت يوم زواج.. ولو عرفت بيت «شيخ العرافين» هخطفه

أقسم مغني المهرجانات حسن شاكوش بأنه سيخطف شيخ العرافين إذا عرف هويته، موضحًا: 'أقسم بالله أعرف بيته وأخطفه إن شاء الله أروح فيها'.

وخلال حواره مع الإعلامية بسمة وهبة مقدمة برنامج «العرافة»، على قناة «المحور»، تدخل شيخ العرافين، قائلا: 'بقى تسيب العروسة في شهر العسل وتاكل حواوشي في الدقي'، ليرد حسن شاكوش، قائلا: 'ده حصل في تالت يوم زواج، نزلت انا وواحد شغال معايا اسمه ميشو، وكان معايا محمد أخي الصغير'.

وأكمل شاكوش: 'أردت استغلال فرصة أنني في شهر العسل وأن الناس لن تتعرف عليّ، كنت خايف إن حد يشوفنا ويقول إن فيه مشكلة، مراتي زعلت مني مش عشان خرجت، لكن عشان كان في حمام وخروف في البيت، سيبت كل ده ورحت اكلت حواوشي'.