الرئيس السيسي: «كلامى متغيرش من الأول وظروفنا الصعبة مكنتش سبب فيها»

قال الرئيس عبدالفتاح السيسي، 'عمري ما عاتبت حد وقلت وعدتوني إن إحنا هنبقى وهنبقى، ولكن الظروف الصعبة اللي إحنا اللي فيها دي مجتش من مغامرة'.

وأضاف خلال فعاليات الندوة التثقيفية الـ39 للقوات المسلحة بمناسبة الاحتفال بيوم الشهيد'، اليوم السبت، على شاشة «إكسترا نيوز»، 'كلامي متغيرش من البداية وأهم حاجة العمل والصبر'.

وتابع: 'مقلتش أبدًا أنا لها أنا لها، وأنا أخلصكم، هاتوا كل كلامي من الأول أثناء الترشح هتلاقوا كلامي مبيتغيرش، لأن التوصيف مبيتغيرش، الظروف حلها الوحيد إحنا، وقلت قبل كده العمل والصبر هما الحل'.

وتحي الدولة المصرية والشعب المصرى ذكرى يوم الشهيد، والذى يواكب ذكرى استشهاد الفريق عبد المنعم رياض في 9 مارس.

وتحتفل مصر يوم 9 مارس من كل عام بيوم الشهيد لنتذكر رجالا ضحوا بأرواحهم لكي يعيش الوطن بعزة وكرامة.