«جرس البيت بيرن لوحده».. حورية فرغلي تروي معاناتها مع الجن (فيديو)

حلت الفنانة حورية فرغلي ضيفة على برنامج «العرافة»، الذي تقدمه الإعلامية بسمة وهبة، والمذاع عبر شاشة قناة «المحور».

ووجهت بسمة وهبة سؤالا لحورية فرغلي، قائلة: «الناس قالوا إنك بتشوفي الجن عشان عندك اضطرابات نفسية، فهمينا إيه اللي بيحصل في البيت عندك»، لترد قائلة: «أولا اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الأستاذ محمد عبدالوهاب».

وواصلت حورية قائلة: «اشتريت الشقة 2013، في مرة كنت قاعدة في الشقة لاقيت الشغالة داخلة عليا بالغداء، وبقولها ليه جايبة الأكل دلوقتي، قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة، ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير، ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي».

وتستعد الفنانة حورية فرغلي لتقديم مسرحية للأطفال وتعكف على تحضيراتها فى الوقت الحالي، ومن المقرر تقديمها على المسرح القومي بعد الانتهاء من كل التجهيزات، إلى جانب قراءة أكثر من سيناريو عن أفلام جديدة لها فى الفترة المقبلة.