خلاف حاد بين المطربة إيناس عز الدين والشركة المنتجة لها

كشفت المطربة إيناس عز الدين عن تفاصيل خلافها مع الشركة المنتجة لها عبر وذلك عبر حسابها الشخصي على موقع التواصل الاجتماعي فيسبوك.

وقالت إيناس عز الدين :'هيحصل ايه لما اتكلم وأخرج عن صمتي أكتر من اللي حاصل.. هقعد في البيت ما أنا قاعدة في البيت لا قادرة اخلي حد يمسك لي ادارة أعمال ولا حد ينتجلي و لا أعمل أغاني لنفسي ولا أوقع مع حد ولا أعمل أي حاجة وعاجزة ومتكتفة بعد ما تم إخلال كل بنود التعاقد معايا من قبل المنتج و الشركة السعودية من تاني شهر تعاقد حتى الان و تعليق عقدي ومماطلة و عدم رد على اسئلتي و تغيير بنود العقد دون موافقتي لا شفهياً ولا كتابياً و تحويله من انتاج و ادارة أعمال لادارة أعمال فقط رغماً عني'.

وتابعت :' رغم أن في التعاقد ممنوع اي تعديل غير بموافقة كتابية سكت سنة على أمل إني أحل الأمور بشكل ودي لكن دايماً الرد اللي كان بييجي على كل حقوقي و اسئلتي (خير ان شاء الله ).. واستغلال أن العقد يتبع المحاكم السعودية وبعد ما رجعوني مصر و خلوني اسيب شغلي في الامارات مقابل راتب شهري أقل من ربع اللي كنت بكسبه من شغلي هناك مقابل وعود بحفلات ضخمة و أعراس و أغاني وكليبات كما مذكور في العقد و تم وقف الراتب بعد ما وقعت بتاني شهر اول ما رجعت مصر شهر مارس'.

واكملت : ' وقفوا راتبي و اضرب راسي في الحيط بقى وماليش حاجة عند الشركة ( رغم أن كل ده مكتوب في التعاقد ومتفق عليه بالارقام ) كل ده جزء صغير من اللي عانيته على فكرةو بالرغم من إني مرهقة ومنهكة نفسياً ومش متحملة أخوض اي حروب او صراعات ألا أني لو ما حاربتش علشان حقي و موهبتي و شغلي و ومصدر رزقي و أكل عيشي هحارب علشان ايه

لو لآخر نفس فيا هطالب بحقي حتى لو هبطل اشتغلها خالص'.