اشتعلت الأزمة بين المطرب رضا البحراوي، ومغني المهرجانات حسن شاكوش، بعد تدهور علاقتهما خلال الفترة الأخيرة، والتي اتضحت خلال حفلهما بالساحل الشمالي، وانتهت بمطالبة 'البحراوي' من نقابة المهن الموسيقية بالتدخل لتعيد له حقه.
الموسيقيين ترد على أزمة رضا البحراوي وحسن شاكوش
وتواصلت 'أهل مصر' مع نقابة الموسيقين، وقال الموسيقار محمد أبو اليزيد، وكيل أول نقابة المهن الموسيقية، إنهم حتى الآن لم يتلقوا شكوى رسمية أو إخطار من رضا البحراوي، ولن يستطيعوا التدخل أو التحرك من دون أن يتقدم أي منهم بشكوى رسمية.
رضا البحراوي يطالب بحقه من حسن شاكوش
وخرج رضا البحراوي، في بث مباشر، عبر صفحته الشخصية بموقع التواصل الاجتماعي 'فيس بوك'، وقال: 'أنا بتكلم بخصوص الأستاذ المحترم حسن شاكوش، كان في مشكلة حصلت بينا من فترة وكان بيكلمني عاوز يعمل دويتو معايا وأنا مرضيتش والتسجيلات معايا'.
وأضاف: 'جيت اشتغلت في الساحل وكان ميعادي الساعة 4، حسن شاكوش طلع على ميعادي، وطبعًا أنا معايا فرقتي الموسيقية المكونة من 40 فرد يعني بغني لايف وأغاني طربية مش بطلع أغني على فلاشة'.
وتابع: 'صاحب الحفلة كلمني، وقالي معلش يا رضا حسن هيغني أغنيتين وهينزل قولتله لأ براحته وحصل، ولقيت صاحب الحفلة نزل حسن لإن الحفلة كلها كانت مبنية على أساس رضا البحراوي، فهوا هان فرقتي على المسرح فوق، أول مطلع قالهم أنا مش عاوز ولا بني آدم منكم موجود على المسرح هنا، وكسف الطبيعة وحش وهما ناس موسيقيين ومعاهم كارنيهات النقابة مش معاه، طلع هوا بمعنى أصح كرش الفرقة من على المسرح'.
رضا البحراوي: رديت علشان كرامة فرقتي وكرامتي
وأردف: 'وعلشان كرامة فرقتي من كرامتي فطلعت ورديت عليه بفني وبمايك، كنت تطلع انت وانا بندهلك ترد عليا بفنك بارضو لإن انت محسوب مطرب وعدى الموضوع وخلص.. وناس كلموني علشان يصلحوا بينا وقولت ماشي'.
وتابع: 'ييجي هوا في حفلته الأخيرة يسبني ويسب أمي وأبويا وبيتي، ويشتمني بالأم والأب.. أنا محترم ومتربي على طبلية أبويا وكان عندي استعداد أرد عليك بس مش هغلط فيك وهفضل محترم علشان جمهوري وعشان انت أقل من إني أرد عليك خصوصا وإني في المهنة دي وانت لسا متولدتش، بس أنا بوجه رسالة للنقابة المهن الموسيقية أنا وفرقتي اتهنا وبطالب يتردلي حقي وحق فرقتي واحنا في بلد فيها قانون وهوا اللي هيجبلي حقي'.
وأنهى رضا البحراوي رسالته لحسن شاكوش، متحديًا إياه: 'عاوزك تواجهني على المسرح وقدام الناس وتطلع تغني وأنا أغني، وأنت تاريخك إيه وأنا إيه.. والناس هي اللي هترد عليك'.
أزمة رضا البحراوي وحسن شاكوش
وتداول رواد مواقع التواصل الاجتماعي في وقت سابق، مقطع فيديو عن مشاجرة جديدة بين مغني المهرجانات حسن شاكوش، والمطرب الشعبي رضا البحراوي، وذلك خلال حفل جمع شاكوش والبحراوي وحمو بيكا في الساحل الشمالي.
وكشف الفيديو، أن بداية الأزمة كانت بعدما صعد حسن شاكوش علي المسرح، في الوقت نفسه كانت فرقة رضا البحراوي على المسرح، بينما أصر شاكوش أنه لم يكمل فقرته إلا بعد خروج فرقة البحراوي من المسرح، وبالفعل طلبه اتنفذ وسط استياء من أعضاء الفرقة.
تابعوا آخر أهل مصر على Google News
