طرحت الممثلة والمطربة ليلى زاهر اليوم الخميس كليب أولى أغانيها كلمة أخيرة، على موقع تبادل الفيديوهات يوتيوب، وذلك بعد وقت قصير من طرحها برومو الأغنية.
أغنية كلمة أخيرة
وأغنية كلمة أخيرة، من كلمات الشاعر محمد حسن، وألحان وتوزيع وميكس وماستر إسلام زكي، والفيديو كليب من إخراج هشام جمال، وتم تصويره الكليب في لبنان
كلمات الأغنية
أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش .. موتنى
بقى دى النهاية وده اللى بتحاسب عليه ؟
أنا من زمان خوفتنى
ولغيت مشاعرى هزمتنى
إزاى هقول .. وبأى عين
شوفتك ف يوم بتحبنى
جاوب سؤالى وقولى مره كسبت إيه ؟
------------------------------------------
حكايات وعود مين اللى قال .. مش برضه كان إحنا
مين اللى علقنا ف غرام .. و أذانا و جرحنا
حكايات وعود مين اللى قال .. مش برضه كان إحنا
لو كان راحتنا ف الفراق .. ده ياريته ريحنا
و نهاية حبى فيك
فى كلمة أخيرة ليك
محتاجه أنام .. وأصحى ف يوم ألاقي قلبى نسيك
------------------------------------------
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها
أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم
ولا حد قرب منها
ولا حد حاول يبقى ليه أصلا مكان
------------------------------------------
حكايات وعود مين اللى قال .. مش برضه كان إحنا
مين اللى علقنا ف غرام .. و أذانا و جرحنا
حكايات وعود مين اللى قال .. مش برضه كان إحنا
لو كان راحتنا ف الفراق .. ده ياريته ريحنا
شكرآ عشان بإيديك
قطعت علاقتي بيك
مستغربه .. إزاى ف يوم وقفت حياتي عليك
مطرح مطروح
من جهة أخرى، انتهت الفنانة ليلى زاهر من تصوير فيلم مطرح مطروح، المقرر عرضه في دور السينما خلال الفترة المقبلة، وهو من تأليف محمد عز، وإخراج وائل إحسان، وتدور أحداثه في أربعينيات القرن الماضي.
تابعوا آخر أهل مصر على Google News
