حسن شاكوش عن طليقته: اتعرضنا لأبشع الألفاظ وأهلي اتشتمو على السوشيال ميديا

وجه مؤدي المهرجانات الشعبية حسن شاكوش، رسالة ردا على اتهامات طليقته ريم طارق، وذك عبر حسابه الشخصي على موقع التواصل الإجتماعي فيس بوك.

وأوضح شاكوش في الفيديو قائلا:'عمري في حياتي ما جبت سيرة بنت ولا غلط في حق بنت لأني عارف يعني ايه المراة المصرية وشرفها، و زي ما الست المصرية ليها شرف وكرامة الراجل المصري ليه شرف وكرامة، وأنتوا عارفين يا جماعة شغلنا كله بنشتغل على سمعتنا وأنا اتجاهي واتجاه شغلي أن أنا بعمل أغاني للبنات والمجتمع بتاعى، والناس اللي بتحبني وبتسمعني ناس محترمة وناس ليهم كل التحية والتقدير'.

أزمة حسن شاكوش وطليقته

وواصل حسن شاكوش:'مينفعش أجيب سيرة اي واحدة في اي وحش، ده اللي أتربيت عيه وأهلي ربوني عليه، أنا من منطقة شعبية وراجل صعيدي ومتكلمتش طول الفترة اللي فاتت دي مش عشان خوف ولا ضعف، لا عشان كانت الإنسانة دي في يوم من الأيام مراتي وأنا مكنش ينفع أطلع واتكلم في حاجة تمسني أو تمسها لأن في الأول والآخر عارفين أن أنا لو اتكلمت وجبت سيرتها بأي حاجة هتعيب عليا أنا، لأني كنت في يوم من الأيام الراجل بتاعها وجوزها، في اللي اتعودنا عليه مينفعش راجل يجيب سيرة مراته في اي حاجة، ورغم كل ده وابشع الالفاظ والكومنتات والحاجات اللي كانت بتتبعت لي وأهلي اللي اتشتمو على السوشيال ميديا كلها، متكلمناش في حاجة وكنت بقولهم محدش يتكلم'.

وكانت ريم طارق، طليقة مغني المهرجانات الشعبية حسن شاكوش، تحدثت عن أسباب طلاقها، قائلة: 'كنا في نهار رمضان، وكان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت كتبت له وصلت يا حبيبي، وكان بينهم علاقة'.

وأضافت 'طارق'، خلال حوارها مع بسمة وهبة، في برنامج '90 دقيقة'، المذاع على قناة 'المحور': 'فضلت 30 يوم في رمضان أشوف حاجات زي كده، والفنانة دي حبت تسمعني صوتها، فكانوا مع بعض وقعدت تضحك، والحرف الثالث من اسمها هو الراء'، وردت عليها بسمة وهبة قائلة: 'مترجعيش لحسن'.

وتابعت: 'وفي رمضان بردة كان يبث لايفات وقال لي سأحصل على هدايا عبارة عن مبالغ مالية، وقال لي يحرم عليّ كل جنيه بيدخل من تيك توك، هاخده وهتبرع به لجمعيات خيرية للأطفال، فرحت عشان قال كدا، ولما اللايفات خلصت الموضوع اتنسى وأخذ الفلوس، وأطلب منكِ مواجهة حسن شاكوش بهذا الفعل'.