أعرب الدكتور محمد عبد الله المتحدث الرسمي لنقابة المهن الموسيقية، عن سعادته بالاحتفال بجيل التسعينيات من المطربين المصريين، في المملكة العربية السعودية.
وقال الدكتور محمد عبد الله: "احتفلت المملكة العربية السعودية بجيل التسعينيات وجابت أشهر النجوم في الوقت ده، واحلي أغاني في الوقت ده، واكتشفنا أن معظم الأغاني اللي حبناها كانت من كلمات الشاعر مصطفي كامل !! لازم نقف شويه ونسأل ليه ؟! ليه الشاعر ده هو اللي ظهر في جيله ؟! ليه هو اللي نقل الاغنية من مكان لمكان تاني، وظهر علي أيديه ونجح المع النجوم اللي بتحتفل بيهم المملكه العربيه السعودية حاليا ".
وتابع:"السر في القلب، كلماته خرجت من قلبه ودخلت قلوبنا وعاشت جوانا رددناها من غير مانحس حول الكلام بتاعنا لأغنيه مست قلوبنا ولمست مشاعرنا حبناها وقلناها معاه، وده يدل علي أننا قدام مبدع ، أبدع وغني له عشرات المطربين، إحنا مع الراجل المبدع القوي الحساس الواضح الراجل اللي بسببه بيغني له مطربين كان هو اللي ليه الفضل بعد ربنا أنهم يبقوا نجوم الصف الأول في التسعينيات ويغنوا في المملكة في عام ٢٠٢٣، ولو عملنا حفلات كتير مش هتخلص أجمل كلماتك".
واضاف متحدث نقابة الموسيقيين:"وقت الحب مسبتناش وحبينا معاك وكتبت كلمات الحب، ووقت الشده اللي مرينا بيها كتبت ولحنت تسلم الأيادي ودخلت قلوبنا وفرحتنا معاك وبكينا معاك وضحكنا معاك حبناك من قبل مانشوفك ودلوقتي انت هنا معانا وده فخر لينا كلنا أنك النقيب العام، لأنك مشرفنا ومشرف نقابتنا ومشرف بلدنا هنا و في المملكة العربية السعودية وفي اي مكان يامصري يا اصيل يا ابن النيل..عشت لينا وابدعت يانجم ياصانع النجوم بجد ..والمجلس كله وراك وفي ضهرك علي قلب رجل واحد".
تابعوا آخر أهل مصر على Google News
