عادت أزمة مؤدي المهرجانات الشعبية حسن شاكوش وطليقته ريم طارق مرة أخرى للأضواء وإثارة الجدل، فبعدما قدمت ريم اعتذارا لشاكوش عادت وتراجعت مجددا، ونرصد في السطور التالية تفاصيل الأزمة.
القصة بدأت عندما نشرت ريم طارق مقطع فيديو عبر إنستجرام، ظهرت فيه وهي تؤكد انتهاء أزمتها مع حسن شاكوش، وأوضحت أنها حصلت على حقوقها كاملة، وقالت: عاملة الفيديو ده النهارده علشان أقول إن أنا خدت حاجتي كلها كل حقوقي الشرعية خدتها من حسن..الحمد لله أن أنا طلعت شخص كويس وهو كمان كويس وراجل محترم'.
وأضافت:'كل اللي حصل ده كان سوء تفاهم بسبب تدخل اكتر من طرف..وأي حد سيرته جت في الموضوع حقكم على راس، وكل اللي حصل ده كان سوء تفاهم وكل شيء قسمة ونصيب'.
وعلق حسن شاكوش عبر حسابه في فيسبوك على اعتذار ريم طارق قائلا: 'أنا أولا بشكرك يا ريم علي كلمة الحق اللي قولتيها في حقي دلوقتي وذكرتي أنك مشوفتيش مني غير الخير. وقابل اعتذارك على ماصدر منك وانا مكنش ليا اي رد فعل قدام الناس ومش من تربيتي اني اشهر بي بنات الناس حتي لو رد علي كلام يجرحني او اساءه ليا، مع ان ده كان مقصر عليا نفسيا وعلي اهلي وكل الي حوليا وقابل اعتذارك، وعفا الله عما سلف والمسامح كريم واتمنالك كل خير في حياتك واشوفك دايما بخير'.
وبعد يومين عادت ريم لتتراجع عن كل ما قالت ونشرت مقطع فيديو عبر ستوري إنستجرام، قائلة: عاملة الفيديوعلشان أوضح الفيديو اللي انتشر على السوشيال ميديا إن أنا خدت حقوقي وكده، أنا كان إجباري عليا إن أنا أعمل الفيديو عشان آخد حاجتي، وبعد ما أخدتها الفيديو نزل وكان لسه المفروض لما المشكلة تخلص الفيديوهات تنزل' .
وأكملت: 'قلت الصلح خير بس من الواضح إن الطرف التاني مش حابب د، اعتبر الاتفاق اللي ما بينا متمش واحنا كده كده متنازلناش عن القضايا، وبما إنك رجعت في اتفاقك فأنا رجعت في اتفاقي وأعتبر إن مفيش صلح حصل'.
وأضافت ريم: 'طالما عاجبك اللي حصل في الإعلام، أنا قلت في الفيديو محترم إنه ادالي حاجتي مش محترم إنه كان متجوزني، وتابعت: مفيش حاجة اتحلت واعتبروا إن مفيش حاجة اتحلت ولا هتتحل، وأكدت: 'القضايا لسه شغاله مخلصتش، أي حاجة قولتها في برنامج أو أي مكان عندي دليل بيها أنا مكذبتش، بس أنا اتفقت مع ناس ومع رجالة وطلعت قد كلمتي وهو طلع مش قد كلمته'.
تابعوا آخر أهل مصر على Google News
