ياسمين صبري: «معنديش أصدقاء رجالة وبخاف من موضوع المشاعر»

كشفت النجمة ياسمين صبري عن العديد من الأمور التي تهم متابعيها مؤكدة أن كل من يتحدث معها لأول مرة يحبها وهذه نعمة من الله حيث إنها سيدة محافظة .

 

وتحدثت ياسمين صبري خلال حلولها ضيفة على برنامج الحكاية مع الإعلامي عمرو أديب والمذاع على فضائية mbc مصر حيث قالت: '' مش كل الناس بتقدر تيجي تكلمني، بيقولوا مش قدها وبيخافوا وبيقولوا أنا هعمل لها أيه وهقدم لها أيه، وبيبدأ يتهز، وأنا أسفة أني بقول كدا، بس كل ست عارفة إمكانية تأثيرها، لو ثعبان جاي يخططلي هيقع في شره وهيحبني، ومش بقول كدا عشان الشكل، ولكن بقول كدا عشان أنا بنت بلد وهادية مش سبور.

أنا من السيدات المحافظة

وتابعت ياسمين :'' أنا من السيدات المحافظة وهذا النوع من السيدات بتقل بمرور الوقت و معنديش أصدقاء رجالة أخاف الموضوع يقلب مشاعر، ومش حاسة أني عايزه حاجة دلوقتي''.

وتحدثت عن التفرقة بين الرجل الصادق بمشاعره والغير صادق حيث قالت : '' لو حب الشئ اللي بره يبقى حب اللي جوه، الشئ اللي بيلمع بيجذب ناس كتيرة أوي، ولكن الشعور هو اللي يأكد الشعور ده حقيقي ولا لا، كل ست جواها سنسور، وبتكون عارفة الحقيقة، هل الراجل ده منبهر بيها من بره بس ولا أيه.

تشبيهها بجورجينا

وعلقت عن تشبيهها بجورجينا حيث قالت : '' يمكن عشان نفس لون جلدها، والروح والمنظر، وإحنا عندنا مشكلة كعرب إننا بنمجد قوي في الشيء الأجنبي، ونبص للعربي إنه رقم 2 ودي مشكلة ثقافية.

ماجد الكدواني

وتحدث الفنان ماجد الكدواني خلال مداخلة هاتفيه حيث قال: '' ياسمين إنسانة مثقفة جدا ومتواضعة جدا جدا وملتزمة وأكتر حاجة بحبها في ياسمين إن هي عندها ناحية تأملية في الحياة وروحانيات عالية جدا.

وتابع الكدواني: كنا بنتكلم كتير مع بعض وكنت بستمتع بالحوار معاها وإحنا بنصور في فيلم أبو نسب، هي عندها مرونة عالية جدا وسلام داخلي بيساعدها على إنها تكون متقبلة أي حالة.

رامي إمام

وأيضا تحدث رامي إمام خلال مداخلة هاتفية قائلا : ''أنا استمتعت بالشغل مع ياسمين وده بسبب هقوله لأول مرة، إن الناس كلها بتسمع عن ياسمين صبري، إنها مغرورة وبتتنك وبتيجي متأخرة وحاجات كتيرة جدا، إنما بصراحة وبقولها على الهوا ياسمين فنانة ملتزمة جدا وبتشتغل على نفسها جدا وقلتلها انتي اتطورتي جدا يا ياسمين، وبقت مركزة في كل التفاصيل'.