قالت المطربة إيناس عز الدين أثناء وجودها في مستشفي الحميات بإمبابة: 'الحمدلله علي أي حال وبحاول أكون مبتسمة ومش مفزوعة ومش بعيط ولا منهارة وعندي رضا تام بكل اللي هيجيبوا ربنا، بحب اطمنكوا ولساني عاجز عن الكلام، ساعات ربنا يعرضنا لأزمة صغيرة علشان يبين أد إيه الناس طيبة وبتتمني الخير لبعض'.
وأضافت خلال فيديو بثته علي صفحته الشخصية بموقع التواصل الاجتماعي فيس بوك: 'مع احترامي للناس اللي شايفين أني بعمل كده علشان الشهرة، شكلي ده يبين محدش هيقول علي نفسه أنه عنده فيروس ويبقي مبسوط الناس تبقي خايفة منه، ومش عايزة أبقي تريند مع احترامي لكم أنا لو طلعت أغني هعمل أضعاف اللي أنتم عاملينه معايا دلوقتي المرض حاجة محدش يدعيها، أنا مش تعبانة ومش زعلانة ولو حس بالأعراض يبلغ علشان أنت بتأذي اللي حواليك، كلنا معرضين للأمراض'.
ومنذ قليل ردت المطربة إيناس عز الدين، على الانتقادات والاتهامات التي واجهتها، بعدما أعلنت منذ ساعات قليلة، إصابتها بفيروس كورونا المستجد، عقب اختلاطها بشخص مغربي على متن طائرة.
ونشرت إيناس صورة لها من داخل سيارة الإسعاف، أثناء اتجاهها إلى مستشفى حميات إمبابة، وعلق عليها قائلة: 'أنا في عربية الإسعاف، وطالعة على حميات إمبابة، عشان الناس اللي فاكرة إن المرض فيه دعاية أو استهزاء، أو هزار ومع ذلك مش بتمنى غير أنهم يدقوه عشان يحترموه عشان اللس بيتمنى كدا بيتهأله أن كل الناس بتبقى زيه'، وذلك على حسابها الشخصي بموقع 'فيس بوك'.
وكانت كشفت الفنانة إيناس عز الدين منذ قليل، عن إصابتها بفيروس كورونا المستجد كوفد 19، من خلال صفحتها الشخصية علي موقع التواصل الاجتماعي فيسبوك، وأوضحت أن حالتها مستقرة ولا داعي للقلق، قبل أن تنشر منذ قليل منشورا آخر آثار ذعر متابعيها.
وقالت إيناس عز الدين في المنشور الآخر :'هكون معاكم لحظة بلحظة بكل المستجدات.. انا حرارتي بدأت ترتفع و اقتربت من 38 ومش بتنزل و ضربات قلبي سريعة جداً و ضيق التنفس زاد بشدة و السعال الجاف بدأ في الزيادة و اتصلت حالاً بوزارة الصحة و هيتصل بيا دكتور في خلال عشر دقايق يبلغني اعمل ايه و اروح اي مستشفى بما ان الاعراض زادت'.
وتابعت إيناس عز الدين :'وهطلعلكم لايف من المستشفى ابلغكم بكل المستجدات.. و برضوا مافيش داعي للخوف او للهلع حرصوا وتنشروش الذعر.. انا قوية و مؤمنة بالله مش خايفة ولا منهارة ومستقرة نفسياً وبعمل اللي عليا والباقي على رب العالمين بمشيئة الله.. دعواتكم'.
يشار إلى أن إيناس عز الدين عرفها الجمهور من خلال برنامج اكتشاف المواهب الشهير ارب ايدول، وحققت من خلاله جماهيرية واسعة، بعدها أصدرت عدد من الأغاني الخاصة بها، وكانت تتواجد مؤخرا قبل إصابتها في دولة المغرب.
تابعوا آخر أهل مصر على Google News
