أثارت صورة محمد صلاح نجم ليفربول ومنتخب مصر مع 'فتاة' في معسكر الفراعنة بالجيم الخاص بفندق إقامة المنتخب حالة من الجدل والعديد من التساؤلات خلال الفترة الأخيرة بعد اختراق نظام الفقاعة الطبية.
وقالت نوران خليل صاحبة الصورة المتداولة مع محمد صلاح داخل الجيم، أنا كنت في الجيم اللي بتمرن فيه من سنين وكان المنتخب بيتمرن وفيه فرق رياضية كتير بتنزل هناك وبتعمل معسكرات وكنت بالصدفة موجودة وفجأة لقيت صلاح وطلبت منه الصورة وفيه ناس كتير اتصورت غيري وهو كان ذوق جدا ووافق.
وأضافت خلال مداخلة هاتفية ببرنامج في الجول، أنا سميت الصورة، صورة الحياة، مش صورة القرن، ومش عارفة ليه قلبت مصر كلها، وشيء يشرفني وهو محترم فوق الوصف.
وتابعت: 'موضوع الفقاعة الطبية أنا مكنتش أعرفه ومحدش منعني أو قالي مينفعش تتصوري أو حد منعني أدخل الجيم والمنتخب جوه أنا دخلت بالكارنيه بتاعي ولعبت عادي واتصورنا وهو اتحرك'.
تابعوا آخر أهل مصر على Google News
