فاتن لقاضى الأسرة: "بيستحمى كل أسبوعين مرة وهيجيب لنا المرض"

أهل مصر
فاتن لقاضى الأسرة " خايفة يجيب لنا المرض من قلة نظافته "
فاتن لقاضى الأسرة " خايفة يجيب لنا المرض من قلة نظافته "

"مش نضيف، ومش بيغسل ايديه لما يرجع من بره، ويستحمى كل أسبوعين مرة وانا خايفة على بنتى من المرض؛ وأن قلة نضافته تجيب لنا أنا وبنتى الصغيرة المرض؛ ورغم انى نصحته كتير يهتم بنفسه مفيش فايدة".. نطقت بهذه الكلمات فاتن وهى داخل محكمة الأسرة لرفع دعوى خلع من زوجها مبررة استحالة العشرة معه.

عامين من الزواج

قالت الزوجة " اتجوزت من سنتين عن طريق الصالونات وكانت الحياة بينا طبيعية لكن كنت ديما بنتخانق على النضافة؛ وأنه مش بيهتم بمظهره حتى الاستحمام لازم أفضل اتحايل عليه وكنت بتحمل وأقول عشان خاطر بنتى اللى حملت فيها على طول، وأقول مسيره يتغير وكنت على أمل انه يهتم ويعمل كدا عشان خاطر بنته ومراته".

رفع دعوى خلع

وتابعت حديثها لـ"أهل مصر": بقيت أحس بالخوف على بنتى فضلت افهمه لكن لا حياة لمن تنادى وبدأ يكلمنى بأسلوب همجى ويضربنى لحد ما قررت اسيب له البيت وروحت بيت أهلى؛ ولما فاض بي الكيل طلبت الطلاق ورفض فذهبت إلى محكمة الأسرة لرفع دعوى خلع ومازالت الدعوى منظورة أمام القضاء.

Instance ID Token

Needs Permission