حرصت هالة العطال طليقة المخرج طارق العريان الأولى على توجيه رسالة للمطربة أصالة؛ بعد تعليقها على صورته مع حبيبته نيكول سعفان خلال قضاء سهرة ليلية.
وكتبت هالة العطال عبر حسابها الشخصي على موقع التواصل الاجتماعي 'فيس بوك': 'دي أول مره ممكن أرد فيها، الصورة قاسية عليكي، طيب أنا لما كنت بشوف ألف صوره، وابني مش موجود فيها، يا تري إحساسي كان ايه؟، كان أكتر من قاسي كان مقهور، طيب لما كنتي بتكتبي العايله وابني مش موجود فيها، إحساسه هو كان ايه؟، أولادك عندهم أب، أيمن الذهبي حي يرزق، لكن ابني كان عنده أب واحد بس، وللأسف مش حقدر أقول تفاصيل'.
وتابعت: 'طيب لما كنا بنحاول نتكلم كان ردك ايه، يا تري قاسي، ولا حنون ذي ما انتي دلوقت، الجواز والحب والعشره في تفاصيل محدش يقدر يعرفها، طيب مفكرتيش في يوم من الأيام إن ممكن الأب يشتري ابنه اللي من دمه، ويرفض الظلم ،طيب مفكرتيش ان في نفسيت ولد ،ممكن تتدمر ،طيب دلوقت اولادك زعلانين من الكسره،طيب يتكلموا معه ليه لحد دلوقت'.
وأشارت هالة العطال: 'أرجوكي كفايه في أولاد وأنا من حقي أدافع عن ابني اللي نفسيته بقيت مش حلوه، من كتر الحرب علي أبوه، كفايه، بعد الانفصال اللي كنت بتمني استمرار ليكم وربنا يشهد عليه ،بس ده نصيب، اللأهم دلوقت الأولاد'.
واختتمت هالة حديثها موجهة رسالة لأصالة: 'كفايه تشهير في طارق، هو مش خاين وانت عارفه ده كويس جدا والاهم من الراجل دلوقت الاولاد بس، بلاش نشوه الصوره ،وهو حر وانتي عشيتي معه ١٣سنه وأنا عشييت ١٠سنين، ومعملتش اي حاجه من دي عمري ،لان الاهم كان ابني مش انا ،ارجوكي كفايه من فضلك ولأن طارق أحسن اب في الدنيا مع أولاده وانتي عارفه ده كويس'.
وعلقت الفنانة أصالة نصري، على صورة طليقها المخرج طارق العريان، مع عارضة الأزياء السورية نيكول سعفان، حيث كتبت عبر حسابها الرسمي بموقع 'إنستجرام': 'هي أقسى صورة أنا مرقت عليّ منّ بداية قصتي لليوم، ومنّ وقت شفتها منّ حوالي تلاتين ساعة وأنا قاعدة بسّ عمّ حاول صدّق، فيه شخص بالصّورة كان بمقام وغلاوة روح ونفْسّ'.
وتابعت: 'الستّ العزيزة الّلي بتشكر على أحلى ليلة سهرتها يا ترى فعلاً؟ ولّا بسّ تشجيع للظلم والجحود والنكران، الحقيقة كلكم بتعرفوها من غير ما إحكيها، الصّورة مو عاديّة، ومو قادرة أتجاوزها؛ لأنّه تفاصيلها بشعة جارحة بتقتل فيني حتّى نقطة الأمان الّلي عمّ حاول حافظ عليها على قدّ ما أقدر.. ولوالد ولادي (آدم وعلي) غير إنّه اللي بتعمله مو إنساني هوّه عيب'.
وأضافت: 'سامحوني على تصرّفي الّلي مو المفروض يكون، بسّ ذهولي منّ قدرتهم خلّتني أتجاوز كلّ أنواع الحرص ولغت تفكيري'.
يذكر أن طارق العريان، تزوج من هالة العطال في أوائل التسعينات وهي امرأة فلسطينية من مدينة القدس من خارج الوسط الفني وانجب منها ابنه عمر.
تابعوا آخر أهل مصر على Google News
