وائل عبد العزيز جدل لا ينتهي.. هكذا اساء لشقيقته ياسمين عبد العزيز منذ البداية

يُثير الممثل وائل عبد العزيز الجدل بشكل مستمر هذه الفترة. فاتهمه البعض بأنه يحاول أن يُسلط الضوء حوله، وذلك على حساب شقيقته ياسمين عبد العزيز بعد أن جمعتها علاقة عاطفية بالفنان أحمد العوضي، وهنا والبعض الآخر دافع عن وائل عبد العزيز مبررين أنه يغار على آخته كونه رجل شرقي.

وائل عبد العزيز وياسمين عبد العزيز

ومع كل أسبوع تقريبًا نجم أن الأحداث تتصاعد من تصريحات وائل عبد العزيز المسيئة لشقيقته ياسمين عبد العزيز والفنان أحمد العوضي، وذلك بعد أن كتب عبر حسابه الشخصي بموقع التواصل الإجتماعي 'فيسبوك' منذ ساعات أن شقيقته تعيش هي والعوضي بنفس المنزل بدون وجود رابط رسمي بينهما.

فكتب وائل عبد العزيز: 'بص يا بني أنا لما فاض بيا آخر مرة بعتلك رديت علّيا وشتمت فيا وفي عيلتي.. الغلط مش عليك الغلط على إللي سابتك تغلط في أهلها كلهم واللي يسمح لحد يغلط في أهله يسمح بأي حاجة تاني تحصلهم، أنا عايز أعرف دلوقتي إنتوا إزاي عايشين مع بعض في البيت والشغل بدون صفة ولو في صفة محدش صرح بيها ليه!! أنا بردو اللي بعمل فضايح وهيا دي الأصول!! ماتعلنوا جوازكم'.

وهدد وائل بأنه سيأخذ حقه، وكتب: 'طيب قسمًا بالله أنا مش هسيب حقي وسمعتي وسمعة أهلي إلا لما الأمور تتحط في نصابها الصحيح.. واللي هيغلط فيا زي الناس اللي فاتت من الزملاء المطبلتيه أنا هاخد حقي بالقانون وأخيرًا للناس المحترمة لو ليك أخت حط نفسك مكاني ؟!'.

أزمة وائل عبد العزيز

ويعد هذا التجاوز من وائل عبد العزيز لشقيقته ياسمين عبد العزيز ليس الأول، فكانت بداية القصة عندما شن هجومًا على شقيقته، بسبب علاقتها بالفنان أحمد العوضى والأنباء التي خرجت وقتها عبر السوشيال ميديا حول ارتباطهما، وكتب وقتها عبر حسابه بموقع 'فيسبوك' وكتب: 'بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللى كانت بينك وبين بنت هشام سليم الممثلة الى لبستيها التورته فى وشها، ووقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من امتى واحنا بنعمل أعياد ميلاد وتنزل على السوشيال ميديا، من امتى الناس بتجيب فى سيرتنا؟ ونقعد نتعاكس على السوشيال ميديا؟، ومع ذلك حياتك وانتى حره فيها، أنا هتكلم على الشق اللى يخصنى، انتى مقاطعة كل العيلة عشان تعملى اللى على مزاجك، احنا دلواقتى وعايزين نفهم العلاقة دى ايه و رايحه على فين؟'.

ثم وجه وائل عبد العزيز رسالة خفية للفنان أحمد العوضي بدون أن يذكر اسمه وكتب: ' 'أما بالنسبة للأخ الى ماشى وراكى فى كل حته وشايفك البيضة الدهب الى هتفقسله كل يوم احب أقولك يا راجل لما تيجى تدخل بيت تدخله من بابه يا راجل !! وتقعد مع رجاله البيت !!..دى الأصول وده الاحترام .. وطبعا لانك عارف انك مرفوض رافضا باتا فا عمرك ما هتعمل ده ومعندكش غير طريق الشمال الى انت سالكه من سنين مع بنات الناس !!.. انا من راى كفايه عليك البطولة الى أخدتها والعربية المرسيدس الهدية، وتركز فى شغلك وتسيبنا فى حالنا لان طول عمرنا فى حالنا ومحدش سامع عننا حاجه وملوش لازمه جو الصور والمعاكسات ده وانا مبخفش من تهديد حد'.

رد أحمد العوضي على وائل عبد العزيز

لم يستطع أحمد العوضي أن يقف صامتًا بعد التلميحات التي صرح بها وائل عبد العزيز، ورد بمنشور عبر حسابه على 'فيسبوك' وقال: 'أنهي بيت اللي أدخله من بابه.. إن كانت هي اللي بتصرف عليك وعلى ابنك اللي مخبيه وراميه وهي بتدفعله مصاريف مدرسته، باب إيه يابني أدخله هو أنا شفت راجل واقف جنبها.. دي واحده انت مبتعملش حاجة غير إنك بتستنزفها هي ومامتها، باب إيه يابني اللي هدخله من بابه وأكلم واحد بيتكلم على عرضه ولحمه قدام النا'.

وتابع العوضي حديثه بالرد على الاتهامات التي قالها وائل عبد العزيز وقال: 'يا بني أنا من عين شمس منطقة شعبية اتربيت على أن الأخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوة وبیت كويس.. بمجهودي وشغلي مش على عرق واحدة ست.. باب إيه يا حبيبي اللي ادخله وانت أصلا عايش باسمها.. أنا شقيت على حالي بعرقي.. لكن أنت فشلت في كل شيء فشلت كممثل وفشلت كأب وفشلت كأخ وفشلت كبني دم'.

أحمد العوضي يعترف بحبه لياسمين عبد العزيز

وبعد أن كبُر الموضوع بين وائل عبد العزيز وأحمد العوضي بسبب ياسمين عبد العزيز، قاما الأثنان بحذف كلامهما عبر حساباتهما من السوشيال ميديا، ووقتها اعترف العوضي بحبها لياسمين عبد العزيز بشكل رسمي أمام الجميع لترد له الاعتراف وتخبره عن حبها له.

وقتها وجه وائل عبد العزيز رسالة لشقيقته ياسمين عبد العزيز من خلال فيديو مشيرًا إلى أنها خرجت من حياته ولها مطلق الحرية في حياتها ومستقبلها، ورد على من اتهموه بأنه يسعى للشهرة على حساب سمعة أخته، وقال: 'أنا لو بدور على الشهرة كنت استغليت اسمها وشهرتها من زمان'.

وتحدث وائل عبد العزيز من خلال الفيديو إلى أن البداية كانت من عيد ميلاد ياسمين والتعليقات التي جاءته حول الصور المنتشرة بينها وبين أحمد العوضي، وهذا جعله يتحدث إليها ليسألها عن هذه الصور مشيرًا إلى أنها رفضت كلامه.

وتجاهلت ياسمين عبد العزيز أفعال شقيقها وائل، واكتفت بنشر آية من سورة 'هود' عبر حسابها بموقع الصور والفيديوهات 'إنستجرام': ' وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ'.